Þessa vikuna ætlum við í Hvergilandi að leggja land undir fót og skreppa í heimsókn í frístundaheimilið Brosbæ sem er staðsett í Vættaskóla/Engi. Tilgangur heimsóknarinnar er fyrir börnin að kynnast ásamt því að þau fái að sjá hvar sumarnámskeiðið verður í sumar fyrir Vættaskóla. Starfsfólkið sem verður að störfum í sumar verður einnig á staðnum.

Í dag opnar fyrir skráningar á sumarnámskeið fyrir börn fædd 2002 - 2005. Opið verður í Brosbæ í Vættaskóla/Engjum og Ævintýralandi í Kelduskóla/Korpu fyrir norðurhverfið. Einnig verða námskeið í boði í Tígrisbæ í Rimaskóla og Regnbogalandi í Foldaskóla. Upplýsingar um allt fyrirkomulag er að finna á sumarvef Reykjavíkurborgar á slóðinni reykjavik.is/sumar og á litla gula borðanum hér til hægri.

Á sameiginlegum starfsdegi frístundaheimilanna er stuðlað að því að allt starfsfólk fái fræðslu sem nýtist beint inn í starfið með börnunum. Einnig er lögð áhersla á að starfsmenn beri saman bækur sínar og við miðlum hugmyndum á milli starfsstaða. Nú fer skráning fyrir páskaleyfi að fara í gang og sem fyrr verða skráningarblöð send fyrst í tölvupósti og svo í bréfpósti í töskum barnanna. Við viljum biðja foreldra og forráðamenn að virða þau tímamörk sem við gefum til þess að skila inn skráningu.