Langir dagar hafa verið í SImbað undanfarið og höfum við gert margt skemmtilegt. Við bökuðum bananabrauð og borðuðum það í kaffinu, kíktum í fjöruna og farið á bókasafnið. Í dag ætlum við að kíkja í Gufunesbæ og grilla okkur pylsur og leika okkur á fallega svæðinu í kringum Gufunes og á morgun, fimmtudag, er dóta- og spiladagur. Einnig ætlum við að taka til í Simbað fyrir sumarið.

 

Í næstu viku ætlum við að gera okkur dagamun og gera ýmislegt skemmtilegt. Á mánudaginn verðum við heimafyrir og ætlum við að baka bananabrauð sem við borðum síðan í síðdegishressingunni en börnin þurfa aðeins að koma með tvö nesti, morgunmat og hádegismat. Leyfilegt er að koma með núðlur á mánudeginum og fimmtudeginu.

 

Á þriðjudaginn er fyrirhuguð fjöruferð og ferð á Bókasafnið við Grafarvogskirkju. Þá er gott að mæta með stígvél, pollabuxur og auka sokka ef börnin vilja busla í fjörunni.

 

Á miðvikudaginn ætlum við síðan að fara niður að Norræna húsi í Tilraunalandið. Það er náttúruvísindagarður þar sem börn fá tækifæri til að prófa ýmsar nýjungar á sviði náttúruvísinda.

 

Fimmtudaginum ætlum við að eyða heima og ef það er frábært veður ætlum við að skella okkur í vatnsslag. Þá er gott að börnin hafi með sér aukaföt og jafnvel sundföt og handklæði.

 

Nýjar myndir hér til hliðar!