Íþrótta- og tómstundaráð Reykjavíkur -

15.7.2010

Hreyfivikan!

Börnin hafa verið einstaklega orkumikil þessa vikuna. Til að byrja með héldum við Íþróttaleika á skólalóð Foldaskóla þar sem keppt var í armbeygjum, dekkjahlaupi, hreystigrip o.fl. Næst fórum við í Húsdýra- og fjölskyldugarðinn þar sem allir fengu 4 miða til að nota í þau tæki sem þau vildu, þá var Fallturninn vinsælastur en því miður gleymdist myndavélin heima. Í gær fórum við síðan í Keilu og búum við yfir mörgum tilvonandi keilumeisturum. Eftir það kíktum við aðeins í Perluna og biðum heillengi eftir gosbrunninum en þá var hann bilaður. Í dag ætlum við að heimsækja Kópavog og fara í Sundlaugina og á Náttúrugripasafnið. Á morgun, föstudag, er seinasti dagurinn fyrir sumarfrí, þá ætlum við að renna okkur saman niður í Gufunesbæ. Allir mega koma á hjóli eða hlaupahjóli og auðvitað með hjálm. Síðan ætlum við að grilla pylsur en börnin þurfa að taka með sér tvær pylsur og tvö pylsubrauð.

Sumarfrístund Fiðrildanna opnar aftur mánudaginn 9. ágúst og þá er listavika!

Takk fyrir okkur og GLEÐILEGT SUMAR !!!

5.7.2010

Ævintýri 5. - 9. júlí

Ævintýravikan byrjar vel.

Í vikunni ætlum við að kíkja á Árbæjarsafnið og fá leiðsögn, vaða í Elliðaárdalnum, förum í Hellisgerði í Hafnarfirði og hlustum á Álfkonu segja okkur sögur um álfa. Síðan ætlum við í óvissuferð á fimmtudaginn sem enginn vill missa af og á föstudaginn ætlum við að halda okkur á nágrenninu og kíkja í sund í Grafarvogslaug.

Hreyfivikan!

Ævintýri 5. - 9. júlí

Fleiri fréttir

UPPLÝSINGAR TIL FORELDRA

FRÍSTUNDAKORT